Sujet 2024
Mir jubiliere und dien zämme fyyre!
Blagette-Fescht 2024
Das «Blagette-Fescht» vom 6. Januar 2024 auf dem Platz der Gemeindeverwaltung wurde zusammen mit den Junge Knochestampfer-Waggis durchgeführt.
Für die musikalischen Einlagen sorgten die Furzgugge Rynach sowie die Jugendgugge Graffitti-Spukker. Der diesjährige «Blagette-Värs» ist von Jürg Bopp geschrieben und mit Freude vorgetragen
worden.
Die «Blagette 2024» hat Trix Hahn-Altermatt kreeirt und Bea Hueter hat Einige mit Farbe bemalt.
Das FKR dankt allen Akteuren und Helfer für die Durchführung dieses tollen Anlasses!
Ab sofort erhältlich an den Verkaufsstellen:
Raiffeisen Bank
Coop Reinach Dorf
TopPharm Apotheke Liechti Dorf
TopPharm Apotheke Liechti Mischeli
Grellinger Dorf
Kiosk Mitteldorf
Kiosk im Zentrum
Blagette-Värs
Mer sinn hüt zaalryych doo versammlet, toll,
und unsere Gmeiniblatz isch grammlet voll.
Alli wüsse, dass mir alli s Glyyche hüt doo wänn:
Erfaare, was mir an dr Faasnacht für e Blaggedde hänn.
Und dass me uns jetz denn grad duet saage,
was mir im 2024 für e Schmuggstügg wäärde draage.
Genau drum – und, joo, iich bi meega froo –
sind iir – wien iich au – doo aane choo.
Iich sag s frey uuse, dää Wunsch wird erfüllt
und d Blaggedde seer glyy scho enthüllt.
Dass es no en Überraschig blybt und nid allzu eifach goot
und me s Gheimnis eifach soo zum Sagg uss loot,
schalte mer d Zyt um achtehalb Joorhundert zrugg
und bauen uns soo en Eeselsbrugg.
Rinaco-City het nämlich alle Grund zum Feschte –
an dr Faasnacht loot sich daas am beschte teschte.
D Blagggeddekünschtlerin het exaggt glyych dänggt
und isch ins Joor 1174 drum zrugg gschwänggt.
Dr Naame Rynach het me ebe denn s erscht Moll gnennt –
ei Grund, wurum me unser Doorf syt 850 Joor scho kennt.
Grund gnueg für d Trix, dää Meilestei als Süschee z nää, –
Doo druss söll s myy Blaggeddevoorschlaag gää!
Drum nüt wie loos, s Blatt fülle und alles gstalterisch gschiggt drülle! –
Dr ultimatiiv Mömänt isch doo – düend s Kunschtwäärgg bitte jetz enthülle!
Goot s euch glyych wie miir? Iir düend zersch eifach stuune… -
Doo chömme d Luscht uf d Faasnacht und die gueti Luune.
850 Joor Rynach und 40 Joor Faasnacht in unserer Stadt –
das drifft sich guet, isch cheibe glatt.
Dr Harlekin isch scho en ältere Käärli,
äär gniesst s bunte Dryybe und weiss: Es isch kei Määrli.
S isch nid alles Gold, was glänzt – mänggmoll isch es au zum Kagge,
drum isch em d Schnuure üübere grutscht an d Bagge.
Doch äär drainiert fascht rund um d Uur,
me gseet s an synere Bruschtmuskulatuur…
Und scho isch s Zyt für en elegante Schwängg –
loogo, zum straalende Waggis üübere dängg.
Mache mer e Wett?
Dää het eifach numme Freud, vo A bis Z.
E wache Bligg mit funggelnde Auge und e freudestraalends Muul,
dää Waggis-Junioor findet alles unbeschryyblich cool.
D Juugend isch für unseri Faasnachtszuekunft wichtig,
klaar und dütlich zeigt unsere Waggis in die richtigi Richtig.
Löönd euch mitrysse und begeischtere!
S git no mäng tolli Faasnacht z meischtere.
Und, lueg nur, Mamme, lueg nur, Babbe,
s het achtehalb Cheerze uf em Wappe!
Öppis, wo an dr Rynacher Faasnacht jeede und jeedi weiss:
Die Symboolcheerze sinn und brenne mee als heiss.
Was mir no blybt, isch dr Trix als Künschtlerin vo Häärze z dangge. –
Daas isch dyy Applaus! Klatsche isch graatis und koschtet kei Frangge.
Chömmed, mer düen uns zämme freue, fyyre, feschte!
Bestimmt git jetz e Gugge grad no eine, zwei zum Beschte.
Soo, das wäär s gsii, iich bi fertig – würg! –
Dr P(R)OSCHT-WAGGIS-Obmaa Jürg
